DUO na Aruba (2025)

March 5, 2025

Bo ta bay studia na Hulanda e proximo aña escolar/academico? Ta importante pa bo regla algun cos na tempo.

Sesion di informacion “Studeren in Nederland”

Pa yuda bo, Dienst Uitvoering Onderwijs (DUO) ta organisa e sesion informativo “Studeren in Nederland” dialuna 24 di maart y diahuebs 27 di maart proximo pa 7or di anochi na Aruba.

Si bo tin interes pa bin, ta obligatorio pa inscribi.

Contenido di e encuentro

Durante e sesion informativo lo bo tende kico tur bo mester regla pa bo financiamento di estudio na Hulanda. Tambe DUO lo splica bo con y pakico bo ta haya un burgerservicenummer (BSN) y
kico bo por haci cu ne. Ademas, lo bo haya algun conseho util. Por ehempel, pa pidi un DigiD y un seguro di cuido. Naturalmente, durante e sesion bo por haci pregunta.

Oficina di servicio temporario

Si bo tin mas pregunta despues of bo mester di ayudo pa yena formulario, bo por bishita e oficina di servicio temporario di DUO entre 24 maart te cu 4 di april na Aruba. Bo no mester traha un cita. Sinembargo, bo mester trece bo paspoort, cedula of rijbewijs valido si.