Aplicacion pa Arubalening 2025

February 25, 2025

Studiantenan cu ta desea di bin na remarca pa un Arubalening entrante augustus 2025 mester cuminsa awo cu e proceso di aplicacion via e Arubalening Portal.

Please tene na cuenta cu e proceso di aplicacion tin diferente paso cu diferente deadlines.

Tambe mester tene na cuenta cu e fechanan di deadline ta mara na e ley di Arubalening y pues no por desvia for di e fechanan aki.

Deadline: 24 di maart 2025

E prome stap ta pa registra pa un Arubalening Account. Cu e Arubalening Account e studiante por login den e Arubalening Portal y sigui cu e procedura di aplicacion pa un Arubalening. Pa registra e studiante mester tin:

[1] prueba di Nacionalidad Hulandes (paspoort valido)

Na momento cu e studiante tin su account aproba, e studiante mester entrega tres documento necesario pa asina start e proceso pa wak si nan ta bin na remarca pa ricibi Arubalening na Augustus 2025:

[2] prueba di persoonsnummer di Departamento di Impuesto (por pidi esaki online)
[3] prueba di adres (obtenibel na Censo)
[4] prueba di periodo di inscripcion na Land Aruba (obtenibel na Censo)

Please tene na cuenta cu e documentonan aki cu no por ta mas cu tres (3) luna bieu.

E periodo pa entrega e tres documentonan aki ta for di 1 di Februari 2025 pa 24 di Maart 2025.

Deadline: 31 di maart 2025

Aplica awo

Nos ta urgi tur studiante cu kier aplica pa un Arubalening pa no warda te e ultimo dia pa haci esaki, cuminsa trempan. Tuma e oportunidad pa bo registra pa un cuenta y entrega bo documentonan pa asina bo ta bon na tempo y por sigui cu e proceso.

Pa registra pa un cuenta cu Arubalening mester acudi na website ea.aw, bay na Arubalening Portal y click riba e link di registracion.

Corda bo tin te cu dia 24 di Maart 2025 pa registra y entrega bo prome tres documentonan pa despues bo yena bo formulario di aplicacion pa Arubalening, cual deadline ta dia 31 di Maart 2025. Cuminsa trempan cu e proceso y no warda ten a e ultimo dia ya asina bo ta sigur cu bo ta keda cla cu tur cos na ora.