Pago Arubalening periodo 1
Departamento di Enseñansa ta informa cu e ultimo dia pa upload tur documento pa por ricibi e “termijnbetaling” di Arubalening pa periodo 1 (2023/2024) ta diabierna 15 di september 2023 pa 11.59pm.
Peticion pa pago
E pago di e “termijnbetaling” no ta bay automaticamente. E studiante mester haci peticion pa esaki di e siguiente forma:
E studiante mester login in den su Arubalening account. Ta haci esaki via di e Arubalening Portal riba website ea.aw.
Den e account ta bay na e tab “uitbetalingen” y aki ta upload e siguiente documentonan:
- Prueba OFICIAL di “(her)inschrijving” di e aña academico 2023/2024 di e instituto/scol cu studiante ta bishitando; Pa studiantenan di Universidad di Aruba por manda nan invoice caminda por wak nomber di e studiante, nomber di e scol y e aña academico.
- Prueba OFICIAL di e lista di cifra/transcript (“studievoortgangsoverzicht”) di aña academico 2022/2023.
- Prueba di un seguro valido pa e aña academico 2023/2024. Esaki no ta conta pa studiantenan di Aruba.
Na momento cu tur e tres documentonan aki ta na ordo lo aproba e “uitbetaling” y e studiante lo ricibi e pago di Arubalening riba e cuenta di banco registra cerca nos.
Si e documentonan no ta corecto of falta informacion lo desaprobra e peticion pa “uitbetaling”. Ta pidi e studiante pa sigui e instruccionnan den “reacties” di e “afgekeurde uitbetaling” y upload e documentonan necesario y corecto.
Fecha di pago
Actualmente e departamento di “Studiefaciliteiten en -begeleiding” ta procesando e peticionnan pa pago. Esaki ta dura te cu dia 30 di september 2023. Si pa dia 9 di october 2023 no haya e pago di Arubalening por tuma contacto cu nos departamento via e-mail na arubalening@ea.aw of via Whatsapp nr 594-4140.
Info / Contact
Pa mas informacion relaciona cu Arubalening por busca den e alfabet menu riba nos pagina principal:
Por tuma contacto cu:
Sigui nos via e social media pages:
- DEA facebook: @educationaruba
- DEA instagram: @educationaruba
