Vierlandenoverleg entre Ministerionan di Enseñansa di Reino Hulandes
Recientemente, Minister di Enseñansa (Croes) hunto cu directora di Departamento di Enseñansa Aruba (Proveyer) y directora suplente (Maduro) a atende un reunion virtual di Vierlandenoverleg.
E reunion aki ta basa riba e ultimo reunion cu a tuma luga januari 2023 na Curaçao entre e cuater (4) Ministernan di Enseñansa di Reino Hulandes, esta Minister di Enseñansa di Aruba Sr. Endy Croes, Minister di Enseñansa di Hulanda Sr. Robbert Dijkgraaf, Minister di Enseñansa di Sint Maarten Sr. Rodolphe Samuel y Minister di Enseñansa di Corsou Sr. Sithree van Heydoorn.
Durante e ‘Vierlandeoverleg’ virtual, e cuater (4) Ministerionan di Enseñansa di Aruba, Hulanda, Sint Maarten y Corsou a trata diferente topico di interes, entre otro, ‘Strategic Education Alliance’ (SEA), ‘Academic Foundation Year’ (AFY) y Beca di Reino (‘Koninkrijksbeurs’).
Pa loke ta trata e puntonan cu a trata, tabatin un ekipo di 2 persona di Hulanda prepara cu a elabora ampliamente riba e topiconan aki. Durante e ultimo reunion na januari, a palabra cu lo forma un “stuurgroep” di cinco (5) persona pa elabora riba e topiconan cu ta trata entre e cuater (4) islanan, cual ta consisti di dos (2) persona di Hulanda, un (1) persona di Aruba, un (1) persona di
Sint Maarten y un (1) persona di Corsou.
Ademas di esaki, a dialoga tocante investigacion laboral (‘arbeidsonderzoek’) cu e universidadnan di e cuater (4) islanan hunto cu Departamento di Labor ta bay haci.
Na final di e reunion, a yega na un acuerdo y a firma un slotconclusie digitalmente. Proximo reunion entre e cuater (4) Ministerionan di Enseñansa di Reino Hulandes lo ta den e luna di juni y na november 2023 nan lo topa otro bek fisicamente na Hulanda.
Fuente: Isla Online
Info
Pa mas informacion por busca den e alfabet menu riba nos pagina principal:
Contact
Por tuma contacto cu:
Scroll To Top
