Proyecto di modernisacion di leynan di Enseñansa
Professor Luutsen de Vries ta encarga pa trek e proyecto di modernisacion di leynan di enseñansa, traha leynan cu no ta existi ainda y skirbi un ‘Memorie van Toelichting’.
Recientemente (april 2023), professor de Vries tabata na Aruba y a duna un presentacion na e departamentonan di enseñansa.
Den cuadro di e Doorlichting Rapport, recomendacion 11, a skirbi un lista di leynan cu ta bieu y mester modernisa, esta e ‘Landsverordening Kleuteronderwijs’, ‘Landsverordering Basisonderwijs’ y ‘Landsverorderning Voortgezet onderwijs’.
Pa loke ta trata e ‘Landverordening Hoger onderwijs’ mester wordo revisa y modernisa. ‘Landsverordering Beroeponderwijs’ y ‘Wet op Toezicht’ (WOT) di Inspeccion di Enseñansa no tin un ley existente. Den cuadro di esaki, a traha un plan pa cuminsa traha leynan cu no ta existi ainda, entre otro, LOT, cual ta ‘Landsverordening Onderwijs Toezicht’.
Esaki lo ta dirigi pa Inspeccion di Enseñansa cu tin cu controla e calidad di enseñansa di Aruba. E ley cu a skirbi bou di guia di Sr. de Vries hunto cu tur stakeholder, entre otro, Departamento di Enseñansa Aruba (DEA), Dienst Inspectie van het Onderwijs (DIO) y Directie Wetgeving en Juridische Zaken (DWJZ) ta cla. Tanto e articulonan di ley, como e ‘Memorie van Toelichting’.
Siman pasa, a present’e na tur stakeholder y schoolbestuur, unda cu nan tambe ta haya e oportunidad pa por duna nan comentario y a base di e reaccion por haci e ultimo ahustenan. Despues di esaki, a tuma contacto cu otro ‘stakeholders’ di Departamentonan di Gobierno, pa manda nan e presentacion y asina nan tambe por duna nan comentario.
Minister di Enseñansa (Endy Croes) ta indica cu nan ta den proceso final y despues di ricibi e presentacion lo traha riba nan pa por cuminsa cana e caminda, bay oficialmente DWJZ, Raad van Advies y finalmente hiba Parlamento di Aruba pa wordo aproba.
Fuente: Isla Online
Info
Pa mas informacion por busca den e alfabet menu riba nos pagina principal:
Contact
Por tuma contacto cu:
Scroll To Top
