Pakete di medida pa aumenta exito di estudio pa studiante di Caribe

October 13, 2022

Durante e conferencia di trabou “Studiesucces Caribische studenten” a diseña un pakete di medida concreto y structura pa aumenta exito di estudio pa e studiante Caribense.

Strategic Education Alliance (SEA)

E resultadonan di e conferencia ta wordo ofreci bou di e nomber nobo “Strategic Education Alliance” (SEA) na e “Vierlanden Overleg Onderwijs, Cultuur en Wetenschap” ministerial cu ta tuma luga na december proximo.

SEA ta consisti di e representantenan di e islanan Aruba, Corsou, Sint Maarten, Hulanda Caribense (Bonaire, Saba, St. Eustatius), y Hulanda, y e partidonan den enseñansa di e paisnan aki. E grupo tin un aña y mey caba ta ocupa nan mes cu e topico, esta pa mehora exito di estudio di studiantenan Caribense. Ta asina cu gran parti di e studiantenan aki no ta termina nan estudio den exterior. E conferencia di trabou, cu a tuma luga na Universidad di Aruba, tabata organisa pa desaroya pasonan concreto pa cu esaki.

Mas medida concreto y structural

E subtitulo di SEA ta “A bright future for Caribbean Students”, un bunita futuro pa e studiante Caribense. Pa sigura e futuro ey, segun SEA, ta necesario un plan strategico cu ta fortifica e infrastructura pa enseñansa superior y secundario. Banda di esey un programa conhunto di mobilidad den Reino mester haci mobilidad den Reino posibel riba nivel di MBO, HBO y WO.

SEA kier prepara e studiantenan di e islanan miho pa loke ta nan escogencia di estudio. Esaki door di un “Pre-Academic Year” pero tambe door di incorpora e medionan moderno, manera por ehempel apps y bril VR. Por haya tur recomendacion riba e website:

Importancia di cooperacion di termino largo

Segun SEA un acercamento structural y mehoracion di exito di estudio di e studiante Caribense ta rekeri esfuerso y compromiso di tur partido. E esfuerso y compromiso aki lo dura algun aña. SEA lo haci e peticion na e “Vierlanden Overleg” pa elabora riba e compromiso di termino largo aki y existencia di SEA y establece esakinan.

SEA lo pidi e ministernan envolvi di e “Vierlanden Overleg Onderwijs, Cultuur en Wetenschap” ministerial tambe pa percura pa sosten financiero y di recursonan necesario, como tambe pa sigura cu e palabracionnan haci ta wordo realisa.