Codigo di Proteccion: Colaboracion entre UNICEF Hulanda y Aruba
Dia 22 di februari 2022 a firma un acuerdo (MoU) pa asina ancra e colaboracion entre Aruba y UNICEF Hulanda.
UNICEF Hulanda ta yudando Aruba cu diferente proyecto manera entre otro e proyecto di Codigo di Proteccion.
E sosten cu e proyecto Codigo di Proteccion ta haya ta den forma di sosten tecnico profesional den persona di sr. Stan van Haren. Su rol ta pa duna sosten profesional y di experiencia den henter e proceso di implementacion di Codigo di Proteccion.
E acuerdo aki ta yuda fortifica e colaboracion entre UNICEF Hulanda y Aruba, p’asina por sigui cu e ehecucion di e proyectonan cu ta trata e derecho universal di nos muchanan nr. 19: “Cada mucha tin derecho riba proteccion contra abuso y negligencia” Fuente: derechodimucha.org
Di parti di Ministerio di Husticia y Asuntonan Social lo percura pa pone tur profesional disponibel pa por concretisa y ehecuta e trayecto aki.
Lesa mas den e Boletin informativo di Codigo di Proteccion, vol. 10
Abo sa unda pa busca ayudo?
- Pa conseho ora tin sospecho di abuso di menor yama Bureau Sostenemi na 5881010.
- Pa conseho pa famia y lantamento di mucha y hoben yama Centro pa Hoben y Famia na 5281200.
- Pa informacion tocante sexualidad y prevencion yama Famia Planea Aruba na 5889591.
- Pa ayudo cu violencia domestico yama FHMD Fundacion pa Hende Muhe den Dificultad na 5671670.
- Pa ayudo psicologico y problema mental yama Respaldo na 2815000.
- Pa informacion tocante addicion di droga y alcohol yama Fada Aruba na 5832999.
Info / Contact
Pa mas informacion por busca den e alfabet menu riba nos pagina principal:
Por tuma contacto cu:
Scroll To Top
