Maneho di Idioma y di Cultura den Ensenañsa
Dia 16 di maart 2022 a tuma luga un encuentro pa duna inicio oficial na dos proyecto importante y innovativo: Maneho di Idioma den Enseñansa y Educacion di Cultura.
Presente na e ocasion aki tabata Minister di Enseñansa (Croes) y Minister di Cultura (Maduro), como tambe funcionarionan di Departamento di Enseñansa Aruba, Dienst Inspectie van het Onderwijs, Departamento di Cultura, UNESCO, Directivanan di Scol, Biblioteca Nacional Aruba y expertonan di e materia.
Un liña
Ambos proyecto a wordo trata den e “Vierlanden Overleg” cu a tuma luga recientemente na Hulanda.
Den e “Tussenrapport Doorlichting van het Arubaanse Onderwijsbestel” a pone hopi atencion riba e tema di ‘taalbeleid’. Como recomendacion number dos a mustra unda tin e necesidad actual; pa un escogencia cla y consecuente pa cu nos maneho di idioma.
No obstante cu Gobierno den pasado ta mustra di a scoge pa un maneho multilingual (SAM) cu e idioma materno (Papiamento) como e idioma di instruccion, no tin un liña cla den e sistema di enseñansa den su totalidad. Recomendacion ta pa haci un escogencia cla riba esaki cu lo bay beneficia Aruba su studiantenan den futuro. Escogencianan cu nos haci awe no lo duna un resultado mañan, pero ta bira e inicio di un trayecto pa nos studiantenan por ta exitoso den añanan nos dilanti.
Nos ta reconoce tur e esfuersonan anterior di nos profesionalnan basa riba diferente rapportnan riba e tema aki manera:
- Habri Porta pa nos drenta (2002)
- Diversificacion di idioma di instruccion den enseñansa primario (februari 2016)
- Taalbeleid voor een nieuw traject in het AVO (october 2019)
- Examens in het Nederlands voor AVO leerlingen (juli 2019)
- Kwalificatiedocumenten EPB en EPI
- Kerndoelendocument Arubaans Primair Onderwijs
- Implementatieplan Invoering Kerndoelen Primair Onderwijs.
E maneho den Enseñansa den Transicion cu nos a presenta na luna di Januari 2022 ta enfoca riba: PEN 2030, SDG 4 y ‘Doorlichting Rapport’. Buscando solucionnan concreto, buscando solucionnan hunto cu tur nos expertonan pa carga esaki pa pone un direccion concreto pa cu maneho di idioma pa e futuro di enseñansa na Aruba.
E Comision Nacional a keda instala pa asina cuminsa cu e trabounan necesario. Departamento di Enseñansa Aruba ta trek e proyecto aki unda lo bay reuni cu tur ‘stakeholders’ y na December 2022 lo presenta un rapport kico ta e escogencia di idioma oficial pa cu e futuro di enseñansa di nos pais.
Info / Contact
Pa mas informacion por busca den e alfabet menu riba nos pagina principal:
Pa pregunta por tuma contacto cu:
Scroll To Top
