Minister a reuni cu SVGA

December 7, 2021

Diabierna dia 3 di december 2021, e Minister encarga cu Enseñansa (Croes) a continua cu su reunionnan riba tereno di enseñansa y tabatin su prome encuentro cu Stichting Verstandelijk Gehandicapten Aruba (SVGA).

Fuente: Isla Online

Durante e encuentro aki Minister Croes a cera conoci cu e Director General di SVGA sra. van Homelen, Cabesante di Scol Dununman, sra. Geerman, tesoreo sr. Schutter y miembro di directiva, sra. Wong.

A trata diferente tema y SVGA a vocifera nan inkietudnan y plannan pa futuro. Entre otro a discuti e problematica di “wi-fi” di e scol, e reto pa cu “werksters” pa e scol, como tambe e plan pa un proyecto di ampliacion pa e scol.

SVGA ta desea pa e Minister di Enseñansa sostene e proyecto di ampliacion di e scol pa asina por duna oportunidad di educacion na muchanan special ora nan yega edad di 16 aña pa por sigui scol te cu 20 aña. E mandatardio a pidi SVGA pa pone e peticion den un carta oficial hunto cu un calculacion di e gasto pa realisa e proyecto.

Minister Croes a scucha tur e puntonan y prioridadnan cu a keda treci dilanti y a indica cu su deseo y empeño ta pa soluciona problematicanan mas tanto posibel, crea espacio pa trankilidad, paz y mehoracion riba e tereno di Enseñansa.