DUO webinar pa esnan cu ta bay studia na Hulanda

April 8, 2021

Bo ta bay studia na Hulanda? E ora bo mester regla hopi asunto practico e lunanan binidero. Pa yuda bo, Dienst Uitvoering Onderwijs (DUO) ta organisa un webinar diahuebs 15 di april pa 7.30 di anochi ora di Aruba.

Contenido di e webinar

E webinar ‘Studiefinanciering aanvragen vanuit het Caribisch gebied: de praktische zaken’ lo ta un continuacion di e webinar ‘Studiefinanciering aanvragen: hoe werkt het?’, cu a tene na november.

Den e webinar aki bo ta tende tur loke bo mester regla pa bo financiamento di estudio na Hulanda, entre otro:

Con bo ta pidi financiamento di estudio
Kico bo mester haci pa DUO por haci e pago na bo
Kico bo mester regla pa por biaha gratis cu e producto di biahe pa studiante
Con bo por regla bo asuntonan den ‘Mijn DUO’
Con ta para cu pago bek di bo debe di estudio

Tambe, lo bo haya tipnan practico tocante otro asuntonan cu bo mester regla na Hulanda, manera e number di identificacion (BSN), un cedula digital (DigiD), un cuenta di banco y un seguro medico. Na final lo bo haya un checklist practico.

Registra

Participacion na e webinar ta gratis. Eventualmente bo por wak e cu subtitulo na Ingles of Papiamento. Durante e webinar bo por haci pregunta tambe. Registra awor via: