De Haagse Hogeschool cu Minor Koninkrijkszaken
Na comienso di december Minister Plenipotenciario na Hulanda sr. Guillfred Besaril a ricibi cuater (4) studiante di De Haagse Hogeschool na Arubahuis cu a forma parti di e minor Koninkrijkszaken di e dicho school.
Ta trata aki di e studiantenan Steven Boekhoudt, Damla Günde, Ginan Baroud y Radek Bucko cu a haya e tarea pa enfoca riba un topico specifico pa Aruba.
E studiantenan a enfoca riba e topico di e-government y a haci un investigacion riba e necisidad y posibel efectonan di e-government pa Aruba.
Despues di dies (10) siman di trabou intensivo e studiantenan a presenta e raport titula “Vertrouwen in e-government op Aruba: het belang van het vertrouwen van de Arubaanse bevolking om e-government op Aruba tot een succes te krijgen”.
Minor Koninkrijkszaken
E minor Koninkrijkszaken ta un iniciativa di De Haagse Hogeschool den cooperacion cu e representantenan di e paisnan di Reino pa asina conscientisa e studiantenan riba e structura, desaroyonan y retonan di nos reino Hulandes. Esaki ta e di dos biaha cu Haagse Hogeschool ta organisa e minor Koninkrijkszaken na cual Arubahuis ta participa activamente.
Durante di e encuentro na Arubahuis a elabora riba e tarea cu e studiantenan a ehecuta y riba nan perspectiva pa futuro. E tabata un encuentro hopi ameno y Minister Besaril y e team di Arubahuis tabata contento di por a ricibi e studiantenan na Arubahuis mientras cu ainda tabata posibel. Minister Besaril y Arubahuis a gradici e studiantenan pa tur nan esfuerso y pa e contribucion valioso cu nan a produci pa Aruba y ta deseanan hopi exito cu nan estudio.
Un palabra di danki ta bai pa coleganan di Futura y di Ministerio di Asuntonan General, Integridad, Maneho di Aparato Gubernamental, Innovacion y Energia pa tur e esfuerso y pa e bon cooperacion ricibi den e guia di e studiantenan.
Info / Contact
Pa mas informacion relaciona cu studiamento na Hulanda por busca den e alfabet menu riba nos pagina principal:
Por tuma contacto cu:
Pa mas informacion relaciona cu Arubalening por busca den e alfabet menu riba nos pagina principal:
Por tuma contacto cu:
Scroll To Top
