Webinars Arubalening y Studia na Hulanda
Aki por wak bek e webinars organisa pa Arubahuis hunto cu Departamento di Enseñansa Aruba (DEA) cu informacion pa esnan cu a aplica pa un Arubalening pa sigui studia na Hulanda entrante Augustus 2021.
E webinars a wordo organisa riba e plataforma Zoom. Cada webinar a trata diferente topico y a conta cu oradornan di diferente instancia, mentoren di Arubahuis y studiantenan actual. Aki por download e presentacionnan y/of wak e webinars bek.
Webinar 1 (Jun 2021)
- PowerPoint Presentation: Arubalening Nederland 2021-2022
- Reisticketkrediet, fechanan di e vuelonan den grupo
- PowerPoint Presentation: Arubahuis “Studia na Hulanda”
Webinar 2 (Jul 2021)
Webinar 3 (Jul 2021)
- PowerPoint Presentation: Registro Civil y Censo
- PowerPoint Presentation: Informacion di AZV
- PowerPoint Presentation: Informacion di Discovery Travel
- PowerPoint Presentation: Onderwijszaken Arubahuis ivm Covid-19, aankomst, opvang, documenten
Webinar 4 (Jul 2021)
- PowerPoint Presentation: Studeren en Budgetteren
Webinar 5 (Jul 2021)
Webinar 6 (Jul 2021)
Webinar 1 (Dec 2020): Arubalening (tur pais) / Studia na Hulanda
Land Aruba ta brinda studiantenan cu kier haci un estudio na nivel di Bachelor of Master sea na Aruba of den exterior un prestamo pa financia e estudio: “Arubalening”. Durante e prome webinar a duna informacion amplio di e opcionnan cu Arubalening ta ofrece e studiante, e condicionnan pa por bin na remarca pa un Arubalening y henter e procedura di aplicacion.
Tambe Arubahuis a elabora riba e topico studia na Hulanda. A duna informacion general di Hulanda como opcion di estudio, aplicacion pa un estudio, financiamento di estudio na Hulanda y a duna informacion tocante e guia y sosten na Hulanda cu Arubahuis ta ofrece.
Webinar 2 (Dec 2020): Studiekeuze en studeren in het Hoger Onderwijs
Arubahuis conhuntamente cu e instancia Studiekeuze123 a duna informacion tocante e proceso di escogencia di estudio y riba e aspectonan specifico di studia den enseñansa superior na Hulanda. Durante e webinar a elobora riba e diferente facilidadnan cu e plataforma Studiekeuze123 ta ofrece na nos (futuro) studiantenan. Tambe a duna informacion riba e sistema di enseñansa superior na Hulanda y tur e aspectonan importante cu mester tene cuenta cune. Studiantenan actual na Hulanda tambe a comparti nan experencia y a duna conseho riba e topiconan menciona.
Webinar 3 (Dec 2020): (Studenten) Huisvesting in Nederland
Arubahuis conhuntamente cu studentenwoningcorporatie DUWO a duna informacion riba e topico di vivienda na Hulanda. A duna informacion y conseho riba e diferente opcionnan di vivienda cu tin pa studiante, informacion specifico di cada regio y tambe riba e stapnan importante cu cada futuro studiante mes mester tuma pa por garantisa y regla un acomodacion na Hulanda.
Webinar 4 (Dec 2020): Studielink
Arubahuis conhuntamente cu e instancia Studielink a organisa un webinar caminda a duna informacion tocante e proceso di aplicacion pa un estudio na Hulanda. Durante e webinar a elobora riba e stappenplan cu Studielink a desaroya special pa studiantenan di Aruba y e demas islanan di Caribe Hulandes. Tambe a duna un demostracion virtual di e plataforma Studielink y di e diferente stapnan cu futuro studiantenan di Aruba mester tuma pa por aplica exitosamente pa un estudio.
Pa cualkier pregunta relaciona cu Studielink nos ta referi na e Studielink VRAAGbaak: help.studielink.nl
Info / Contact
Pa mas informacion relaciona cu Arubalening por busca den e alfabet menu riba nos pagina principal:
Por tuma contacto cu:
Pa mas informacion relaciona cu studiamento na Hulanda por busca den e alfabet menu riba nos pagina principal:
Por tuma contacto cu:
Scroll To Top
