EU Teacher Academy cu training online
Bureau Europese Unie en Koninkrijksrelaties y Departamento di Enseñansa Aruba ta informa cu e plataforma educativo online di Union Europeo pa maestro “EU Teacher Academy” ta presenta un training online (MOOC) di e sistema nobo yama: ErasmusAccreditation.
Esaki lo wordo introduci pa facilita proyectonan di mobilidad entre scolnan di Aruba cu Europa y tambe otro paisnan reconoci pa e programa Erasmus+ 2021-2027.
Nos ta invita tur docente di Aruba pa:
- Registra riba School Education Gateway website (si tin un eTwinning account caba por uza esaki tambe)
- Inscribi pa e training [aki]
- Click riba ENROLL NOW
Cu e training aki lo bo por siña kico ta e sistema nobo yama Erasmus Accreditation, cual ta e beneficionan, con lo por haci un peticion pa proyecto y con por cuminsa prepara pa un Erasmus plan pa bo scol. Training ta inicia dialuna, 14 di september venidero y lo termina 29 di October 2020.
Cera conoci y prepara bo mes pa oportunidadnan cu e fondo di Europa Erasmus+ 2021-2027 lo trece pa bo organisacion.
Por fabor tene na cuenta cu:
- E training aki no ta reemplasa e informacion oficial duna pa e oficina di contacto na Aruba (BEUK) y tampoco di e website Erasmus+ of website di otro Agencianan.
- Completa e training aki no ta garantisa un aprobacion di un proyecto automaticamente.
Por download nos flyer aki:
Info / Contact
Pa mas informacion por busca den e alfabet menu riba nos pagina principal:
Pa pregunta por tuma contacto cu:
Scroll To Top
