Inscripcion pa Prueba di Naturalisacion 2021
Departamento di Enseñansa Aruba (DEA), seccion Examenbureau, ta informa cu e inscripcion pa e Prueba di Naturalisacion (Naturalisatietoets) pa aña 2021 ta habri dia 2 di augustus 2021.
Por tuma un maximo di 75 candidato. Asina cu 75 candidato inscribi, e inscripcion ta cera.
Pa motibo di e situacion di e Coronavirus (COVID-19) e pruebanan lo dura 9 dia.
No mester di paga ora di inscribi pa e pruebanan. Bo persona lo haya un carta cu ta indica ki dia tin di paga pa e pruebanan y e fecha di e pruebanan.
Ora di inscribi pa e Prueba di Naturalisacion mester trece:
- Paspoort valido
- Permiso di estadia legal valido
- Extracto di registro civil di Aruba (Afl. 5,00)
- Si ta bin pa ripiticion: verklaring cu resultado di examen haci anteriormente.
Pa e formulario di aplicacion pa e Prueba di Naturalisacion y pa e foyeto di informacion tocante e prueba mester busca den e alfabet menu riba e pagina principal di e website aki:
Prueba
E Prueba di Naturalisacion desde 1 di januari 2011 ta consisti di un (1) componente di conocemento di nos comunidad y structura estatal, cuater (4) componente di idioma Papiamento y cuater (4) componente di idioma Hulandes. Departamento di Enseñansa Aruba pa medio di su Examenbureau ta encarga specificamente cu e Prueba di Naturalisacion y no tin ningun participacion den henter e proceso di naturalisacion.
E proceso di Naturalisacion ta na encargo di Gabinete di Gobernador di Aruba.
Info / Contact
Pa mas informacion busca den e alfabet menu riba nos pagina principal:
Pa pregunta tocante cu e prueba di Naturalisacion por contact:
Pa informacion di e proceso di Naturalisacion mester contact:
Scroll To Top
