Pa bin na remarca pa un of ambos subsidio:
- E entrada anual di e mayornan di peticionario no por ta mas halto cu Afl. 42.000,- pa aña.
- E subsidio maximo pa buki/grafische rekenmachine ta Afl. 550,- pa yiu.
- E subsidio maximo pa computer/laptop ta Afl. 750,- pa yiu.
- Si bo persona ta ricibi entrada di “onderstand” di Gobierno, bo mester acudi na Departamento di Asunto Social na Lagoenweg 9-A pa busca un declaracion di entrada anual prome cu bay Departamento di Impuesto (DIMP).
- Si ta cobra pensioen mester acudi na SVB den Vondellaan y/of APFA na Seroe Blanco 4 pa busca un declaracion di entrada anual di pensioen prome cu bay Departamento di Impuesto (DIMP).
- Pa haci peticion pa un declaracion di entrada (pa transporte liber, buki of otro), e peticionario lo mester yena e formulario digital “Aanvraag inkomensverklaring” di Departamento di Impuesto (DIMP). Por haya e formulario aki riba e website impuesto.aw – impuesto.aw/inkomensverklaring.
Despues di download of ricibi e formulario na Departamento di Enseñansa Aruba mester tuma e siguiente pasonan:
- E formulario ta valido pa solamente 1 yiu (pa cada yiu mester entrega un formulario separa).
- Yena e parti bou di punto A completo.
- Pega un stampia di Afl. 4,= (obtenibel na postkantoor) riba e formulario.
- Hiba e formulario na oficina di Censo y Registro Civil (Bureau Burgerlijke Stand & Bevolkingsregister), caminda nan lo yena y stempel e parti bou di punto B.
- Pa e parti bou di punto C, e peticionario mester haci peticion pa un declaracion di entrada (pa transporte liber, buki of otro), door di yena e formulario digital “Aanvraag inkomensverklaring”. Por haya e formulario aki riba e website impuesto.aw – impuesto.aw/inkomensverklaring. Pa drenta y yena e formulario ta primi e boton: “Inkomensverklaring aanvragen”. E peticionario lo haya su declaracion di entrada via e-mail y post.
- Finalmente mester entrega e formulario bek na Departamento di Enseñansa, seccion “Studiefaciliteiten en -begeleiding”.
- Atencion: Pa buki/rekenmachine, computer/laptop mester entrega hunto cu e formulario aki e recibonan di buki/rekenmachine, computer/laptop y tambe e carta di aceptacion na scol. Si ta haci uzo di e posibilidad pa paga den 2 pago, mester entrega hunto cu e formulario aki e recibonan di e prome pago. Entrega e formulario, e recibonan, carta di scol / debiteurenoverzicht di Colegio Arubano y un copia di un ID di un di e mayornan na Departamento di Enseñansa, seccion “Studiefaciliteiten en -begeleiding”.
Download instruccion:
