Celebracion di World Children’s Day na Aruba
Dia 20 di november ta celebra World Children’s Day, recordando e dia cu a adopta e Tratado di Derecho di Mucha na 1959. Aruba a firma e tratado na aña 2001.
Un pais cu firma e tratado ta haci asina un compromiso pa proteha e mucha di un forma mas completo posibel pa medio di e diferente articulonan specifica den e tratado.
E Tratado Derecho di Mucha ta un di e tratadonan di derecho humano. E Tratado di Derecho di Mucha ta aplica directamente definicion di Declaracion Universal di Derecho Humano riba e mucha y ta añadi ”e mucha tin necesidad na proteccion y cuido special, incluyendo proteccion huridico, tanto prome como despues di nacemento”. Esey kiermen cu e Tratado di Derecho di Mucha consecutivamente ta menciona algun derecho humano y libertadnan fundamental cu specificamente ta valido pa e mucha. Ademas e Tratado di Derecho di Mucha ta duna un mucha, como grupo special y vulnerabel, ampliamente mas derecho; manera ‘proteccion y cuido special’.
Fuente: Derecho di Mucha
World Children’s Day na Aruba
Superheroes Parade
Personal di e departamentonan di emergencia di Ambulance, Brandweer y Polis a bisti na ‘Superheroes’ y a pasa bishita varios scol na ocasion di World Children’s Day.
Scol Dununman
Emmaschool
Info / Contact
Pa mas informacion relaciona cu e structura di cuido y educacion na Aruba por busca [Z] Zorgstructuur den e alfabet menu riba homepage.
Scroll To Top
