Studentenhuisvesting Regio Amsterdam
Arubahuis ta brinda informacion di vivienda pa studiantenan cu kier bay studia na Amsterdam, Diemen, Almere of Haarlem.
Studentenhuisvesting Noord-Holland
• Provincie Noord-Holland: Amsterdam, Diemen, Almere, Haarlem
Tur aña Arubahuis ta ricibi un cantidad grandi di studiante cu ta bay Hulanda pa sigui cu nan estudio na nivel di bachelor y master. Un di e aspectonan crucial den e preparacion di e hobennan aki na caminda pa Hulanda ta esun di buscamento di vivienda.
Nathaly Deville-Russell, mentor di Amsterdam, Diemen, Almere y Haarlem kier a pone enfasis riba e importancia pa studiantenan cu tin pensa di bay studia na un di e cuidadnan aki pa cuminsa busca camber na tempo.
Na Hulanda y principalmente den e region di Amsterdam tin un scarsedad enorme di camber pa studiante, pues ta esencial pa inscribi bo mes na tempo via un website di e organisacionnan di vivienda. Asina bo ta core menos riesgo cu na comienso di bo estudio bo no tin camber y cu e siguiente consecuencianan (entre otro):
- Bo no por inscribi bo mes na gemeente;
- Bo no por risibi bo BSN nummer (Burgerservicenummer);
- Bo no por aplica pa bo DigiD;
- Bo no por finalisa bo inscripcion di scol;
- Bo no por aplica pa un seguro;
- Bo no por habri un cuenta di banco Hulandes.
Huur via un makelaarskantoor ta hopi caro na Hulanda. Banda di huur, mester paga tambe dos (2) luna di borg adelanta, gastonan extra di makelaar y bo mester di un persona pa para borg pa bo. E persona aki mester ta residencia na Hulanda.
Amsterdam, Diemen
Almere
Haarlem
Inscribi bo mes na tempo na diferente website, keda controla bo inscripcion regularmente, pa asina bo hisa bo chensnan pa haya un camber bon y pagabel na Amsterdam of den region.
Importante: Tene cuidou cu estafadornan! Pa esnan cu kier huur via via (por ehempel via Marktplaats, Facebook, famia/ friends/ conocir), semper tuma contacto prome cu e verhuurder y informa e posibilidadnan pa inscribi na e adres ey via gemeente. Si bo no por inscribi bo mes na un adres, bo no por obtene bo BSN nummer. Na Hulanda ta obligatorio pa ta inscribi legalmente na e adres unda bo ta residencia. Si bo no por inscribi na e adres di e camber cu nan ta ofrece ta pasobra probablemente e camber ta wordo verhuurd ilegalmente (onderhuur). Aki bo por lesa mas tips over verhuur ilegal:
Studyinnl.org ta un website practico pa studiantenan cu ta biniendo Hulanda. Riba e website aki por lesa over di diferente topico entre otro encuanto buscamento di vivienda.
Disclaimer
Arubahuis no ta responsabel pa e contenido y (posiblemente) errornan publica riba e websitenan menciona.
Contact Mentor
Pa mas informacion of pa cualkier pregunta relaciona cu Amsterdam, Diemen, Almere y Haarlem por tuma contacto cu:
Mentor Nathaly Deville-Russell
Mobiel of Whatsapp: +31 (0)6 2542 1987
Email: n.russell-mentor@arubahuis.nl
Info / Contact
Pa mas informacion por busca den e alfabet menu:
Por tuma contacto cu:
Scroll To Top
