Presentacion di DEA na Parlamento tocante ortografia di Aruba
Riba invitacion di Parlamento, drs. Audrey Tromp-Wouters di Departamento di Enseñansa Aruba (DEA), a duna un presentacion tocante ortografia dia 29 di augustus ultimo.
Potret cortesia di Shailiny Tromp-Lee
Sra. Tromp tabata compaña pa e miembronan di e Comision di Ortografia di 1997, Sr. Ramon Todd Dandaré, Sra. Evelyn Ruiz-Croes y Sr. Pedro Velasquez.
Meta di e encuentro aki tabata pa informa Parlamento y intercambia idea tocante e reglanan di e ortografia amplia y e lista di palabra. Esaki en conexion cu tratamento di e concepto di ley di ortografia di Papiamento cu lo keda trata pronto na Parlamento.
Den e presentacion a duna un introduccion cortico di e publicacionnan di Proyecto Idioma, sigui pa un historia cortico di nos ortografia di 1976 pa 2018, a trata kico ortografia ta y kico e no ta, a haci un comparacion cortico cu e ortografia di 1976, a trata e importancia di aprobacion di e ley y a termina indicando kico mester tuma luga den futuro.
Despues di e presentacion e parlamentarionan presente a expresa nan pensamento tocante e topico y a haci algun pregunta, cu e invitadonan a contesta mesora. E reunion a bay den un ambiente hopi positivo.
Info / Contact
DEA – Proyecto Idioma | Website: [Papiamento.aw]
Scroll To Top
