Arte di Palabra ABC 2018
Arte di Palabra ta un competencia pa scolnan secundario di literatura na Papiamento caminda hubentud por e.o. declama poesia, conta cuenta y storia cortico.
E aña aki ta e di 10 edicion di Arte di Palabra Aruba y mirando cu alabes ta celebra 15 aña di oficialisacion di Papiamento, a dicidi pa Aruba ta anfitrion pa prome biaha den historia di e competencia di Arte di Palabra ABC. Arte di Palabra ta un competencia hopi importante den literatura pa e islanan di Aruba, Boneiro y Corsou y ta un momento ideal pa celebra Papiamento cu ta e idioma cu ta uni e tres islanan aki.
Departamento di Enseñansa kier a tuma e oportunidad aki pa invita pueblo di Aruba pa bin Cas di Cultura dia 19 di april, 2018 pa asina nos tur hunto mustra nos sosten na mas di 40 hoben cu ta participa na e competencia aki y alabes pa celebra nos idioma Papiamento.
Info / Contact
Pa mas informacion por busca [P] Papiamento den e alfabet menu riba homepage.
