Multidisciplinair Centrum (MdC)

Multidisciplinair Centrum (NL) | Multidisciplinary Center

Bureau Centro Multidisciplinario (MdC) ta brinda su servicio primario na e sector di enseñansa, sinembrago tambe na publico na bienestar di e grupo obhetivo di hende hoben den e grupo di edad di 3 pa 18 aña, personal den enseñansa y di personal di apoyo den enseñansa, mayor y cuidadornan. MdC ta un departamento di Gobierno di Aruba. MdC tin un Centro di Experticio y un Teacher Care.

E obhetivo prinicpal di MdC ta pa brinda ayudo specialisa na hoben den e grupo di edad di 3 pa 18 aña, cu tin problema specifico riba area di siña, comportacion, habla y idioma y na unda nan desaroyo di enseñansa ta stagna y pa brinda apoyo y guia psicologico na personal den enseñansa y personal di apoyo den enseñansa.

Bo yiu ta keda pega/atras den su desaroyo na scol? Bo yiu tin problema di comunicacion of e tin problemanan na scol cu ta influencia su proceso di siñamento? E Centro di Experticio di MdC por tin e respuestanan y e ayudo pa bo.