Departamento di Enseñansa y Arubahuis lo ofrece e aña aki diferente webinars online cu informacion y conseho importante specialmente pa e studiantenan cu ta bayendo Hulanda. Studiantenan lo ricibi tur e informacion necesario riba entre otro Arubalening, e vuelonan organisa, seguro, puntonan di atencion prome cu biahe y na yegada na Hulanda, guia y sosten na Hulanda y mucho mas. E webinars lo conta cu participacion di diferente instancia di Aruba y di Hulanda cu lo comparti informacion y y cu lo por contesta tur pregunta.

Banda di e webinars lo organisa sesion special di online Q&A hunto cu algun scol na Hulanda y tambe lo organisa online Meet&Greet cu e mentoren y opvangcommissies di Arubahuis. Tur e actividadnan aki ta planea pa tuma lugar den fin di juni y comienso di juli nos ta spera cu pronto nos por publica e detayes di e programa y e fechanan exacto.

Departamento di Enseñansa y Arubahuis no ta cobra pa e actividadnan di informacion y preparacion cu ta wordo ofreci. No lo tin ningun gasto envolvi pa e studiante y tur informacion lo ta completamente accesibel pa tur studiante y mayor.

Den e caso aki mester manda un e-mail na arubalening@ea.aw pa asina e cambio por wordo registra. No tin mester di yena un peticion di nobo.

Den e caso aki mester manda un e-mail na arubalening@ea.aw pa asina e cambio(nan) por wordo registra. No tin mester di yena un peticion di nobo.

Via Arubalening Portal den “Wijzigingen” por upload e “bewijs van toelating nobo”. Esaki por ta e email cu e studiante a ricibi for di scol cu ta menciona e nomber di e studiante, e estudio cu e studiante ta bay sigui, nomber di e scol y e aña escolar (2021-2022).

No, despues cu studiante ricibi e “officiële bewijs van toelating” mester upload esaki den “Wijzigingen”.

E startpakket lo wordo paga den e siman prome cu e vuelonan organisa pa Hulanda. Pa aña 2021 esaki lo ta pues den e siman di 26 pa 30 di juli 2021.

• Reisticketkrediet: Fechanan di e vuelonan den grupo augustus 2021

KLM

Actualmente nos ta den combersacion cu tur e partidonan envolvi (Gobierno di Aruba, KLM, Discovery Travel) pa asina por confirma cu e vuelonan por sigui riba e fechanan menciona. Depende di e maneho di Gobierno, KLM y demas instancia envolvi y tambe depende di e cantidad di peticion di studiante tin un posibilidad cu lo mester haci algun ahustacion na e planning.

Nos ta spera cu den transcurso di luna di juni nos por confirma esaki. Manera nos tin mas informacion nos lo publica esaki riba nos website y nos social media pages.

Nos ta spera cu e vuelonan por sigui conforme planning pero tur esaki ta depende di e desaroyonan pa e tempo ey y e maneho y decision di KLM, Gobierno y demas partidonan envolvi.

Esaki ta depende di na cua ciudad bo ta bay studia y a base di un posibel maneho adapta di KLM pa loke ta cantidad maximo di pasahero riba cada vuelo. E intencion ta pa e grupo di cada ciudad/regio biaha hunto pa asina Arubahuis y mentornan na Hulanda por start cu e opvang di nan respectivo ciudad/regio unabes cu yega Hulanda. Studiantenan di cua ciudad/regio lo bay riba cua vuelo lo wordo planea den deliberacion cu Departamento di Enseñansa (Arubalening) y Arubahuis. Tur studiante lo ricibi informacion di esaki lo mas pronto posibel.

• Reisticketkrediet: Fechanan di e vuelonan den grupo augustus 2021

Aplicacion pa por biaha cu un di e vuelonan organisa pa Hulanda mester sosode via di e Arubalening Portal. Riba e “Digitale aanvraagformulier Arubalening studeren in het buitenland” na unda cu ta menciona “aanvullende product” bo por scoge pa e opcion “reiskrediet”. Ora bo scoge pa esaki y completa bo aanvraagformulier bo ta bin automaticamente riba e lista pa un di e vuelonan organisa. E ora Departamento di Enseñansa lo reserva un ticket pa bo pa un di e vuelonan organisa y e gastonan lo wordo kita automaticamente for di e suma di bo startpakket.

Pa esaki e ta consehabel pa manda un e-mail lo mas pronto posibel pa afdeling Studiefaciliteiten di Departamento di Enseñansa na arubalening@ea.aw.

Pa esaki ta consehabel pa manda un e-mail lo mas pronto posibel pa arubalening@ea.aw y pa informa cu Discovery Travel. Mester tene na cuenta si cu disponibilidad di asiento ta reserva pa e studiantenan cu ta biahando cu Arubalening y tambe cu por bin cambio den e planning y den e dia specifico cu cada grupo (studiestad/regio) lo biaha.

Esaki no ta necesario. Departamento di Enseñansa ta regla e seguro pa tur studiante cu a aplica pa un Arubalening Nederland 2021. E seguro lo ta pa un termino defini y despues e studiante mes mester sigui paga e seguro. Via di e siguiente link por haya tur informacion tocante seguro cu ta aplicabel pa e studiantenan cu a aplica pa Arubalening Nederland pa aña 2021:

• Studia na hulanda > Verzekering

Departamento di Enseñansa a regla e seguro pa tur studiante cu a aplica pa un Arubalening Nederland 2021. Conforme e contract di Arubalening Nederland e studiante mester ta segura “particulier” teniendo cuenta cu e ley y reglanan existente na Hulanda. E “overeenkomst” (contract) di Arubalening Nederland tambe ta prescribi cu e Arubalening por consisti di un verzekeringskrediet cu ta wordo regla central pa tur studiante. Land Aruba ta haci esaki pa garantisa cu tur studiante ta segura na un manera adecua na Hulanda.

Via di e siguiente link por haya tur informacion tocante seguro cu ta aplicabel pa e studiantenan cu a aplica pa Arubalening Nederland pa aña 2021:

• Studia na Hulanda: Seguro 2021

Via di e siguiente link por haya tur informacion relevante tocante seguro di studiante na Hulanda y kico ta aplicabel pa studiantenan di Aruba:

• Studia na Hulanda > Studentenverzekering

E “bewijsstuk verzekering” cu mester upload den e Arubalening Portal ta e polisa digital cu e studiante lo ricibi via di e-mail for di e compania di seguro InsureToStudy. E ta importante pa upload e documento aki den e Arubalening Portal unabes cu ricibi esaki pa asina nos por tin confirmacion cu e studiante a ricibi su polisa y cu e ta sigura.

Esaki ta aplicabel pa hobennan cu nan mayornan tambe ta biba na Hulanda. Den un caso asina e hoben te cu 18 aña di edad ta cay bou di e seguro medico di su mayornan na Hulanda. Esaki ta solamente aplicabel pa un basiszorgverzekering. Studiantenan di Aruba cu a caba di yega Hulanda no ta cualifica pa un basiszorgverzekering tanten cu ta studia so y no tin un trabou (bijbaan) na Hulanda.

Tur informacion oficial riba e situacion di COVID-19 na Hulanda ta wordo publica door di gobierno Hulandes (Rijksoverheid) y door di RIVM cu ta e instancia na Hulanda comparabel cu DVG di Aruba. Riba e websitenan akibou bo por haya informacion di e ultimo desaroyonan, e reglanan vigente y kico lo ta aplicabel e lunanan nos dilanti. Nos ta conseha pa tuma bon nota di e informacion di Rijksoverheid y RIVM y pa bishita e websitenan aki regularmente pa por keda na altura di e ultimo desaroyonan.

Rijksoverheid:

• rijksoverheid.nl > Onderwerpen > Coronavirus COVID-19

Rijksinstituut voor Volksgezondheid en Milieu (RIVM):

• rivm.nl > Coronavirus COVID-19 > Actueel

Nos ta conseha tur studiante pa acudi na e website di bo futuro scol pa asina tuma nota di kico lo ta e plan y reglanan specifico cu ta conta pa bo scol y opleiding. Cada scol tin cierto espacio pa duna forma na nan mesun maneho pa loke ta e start di e aña escolar nobo. Esaki ta depende na e prioridad cu nan lo duna na cierto grupo di studiante, opleiding, les of actividad. Esaki por varia un poco depende di e scol of regio. Pa informacion general riba e maneho nacional cu ta aplicabel pa scolnan den enseñansa superior na Hulanda por acudi na e website di Rijksoverheid y na e website di e asociacionnan di universidadnan y hogescholen na Hulanda.

Rijksoverheid – hogescholen en universiteiten:

• rijksoverheid.nl > Onderwerpen > Coronavirus COVID-19 > Informatie voor ouders, scholieren en onderwijs > Veelgestelde vragen over het coronavirus en het hoger onderwijs

De Vereniging van Universiteiten (VSNU):

• vsnu.nl > Nieuwsberichten > Maatregelen bij universiteiten door corona

Vereniging Hogescholen:

• vereniginghogescholen.nl > Actueel > Hogescholen en Coronavirus

Actualmente e scolnan na Hulanda ta preparando pa habri gradualmente bek y pa garantisa e normanan di distanciamento social. Mayoria scol y opleiding na Hulanda ta indica cu pa e aña escolar nobo e lo ta un combinacion di lesnan online y lesnan fisico na scol. Mayoria scol ta indica cu e no lo ta completamente online, cual ta implica cu studiantenan lo tin cu tey fisicamente na scol pa cierto les of actividad. Unda cu por lo organisa y ofrece actividad na scol mes y demas les lo tuma lugar online. Den e escogencia aki pa cual actividadnan fisico na scol lo haya prioridad mayoria scol y opleiding ta dunando preferencia na e les y actividadnan pa studiantenan nobo di prome aña, na lesnan di practica y na tentamens/examens. Pa informacion riba e situacion y maneho exacto di cada scol nos ta conseha pa bishita e website di bo futuro scol y pa tuma bon nota di e informacion.

Manera tur aña Arubahuis conhuntamente cu e mentoren lo ta presente na Schiphol pa ricibi e studiantenan cu ta yega Hulanda riba e vuelonan organisa door di Departamento di Enseñansa. Arubahuis ta e instancia oficial na Hulanda cu ta coordina e yegada di e studiantenan for di Aruba y cu ta facilita e transporte di e studiantenan for di Schiphol pa e diferente ciudadnan. Esaki ta conta solamente pa studiantenan cu Arubalening cu ta riba e vuelonan organisa y no ta aplicabel pa studiantenan cu ta biahando riba nan mes riba un otro vuelo y fecha.

Nos ta pendiente di e desayonan relaciona cu Covid-19 for di Gobierno Hulandes y di e exigencianan pa loke ta cuarentena obligatorio pa pasaheronan di Aruba na yegada na Hulanda. Esaki ta depende pa gran parti si Aruba na momento di yegada di e grupo na Hulanda ta wordo categorisa como pais di riesgo (code oranje of code rood).

Pa mas informacion pa loke ta reglanan existente na yegada na Hulanda por acudi na e siguiente link cu informacion di Schiphol:

• schiphol.nl > coronavirus en schiphol > meest gestelde vragen

Pa e aña aki e no ta recomendabel pa famia y amistadnan bin Schiphol mirando cu nos tin cu minimalisa e cantidad di hende na Schiphol pa evita aglomeracion di hende. Esaki ta hopi importante pa nos por garantisa e seguridad y salud di tur hende envolvi. Den combersacion cu Schiphol y cu e compania di transporte nos tin cu haci e proceso di salida hopi mas eficiente unda cu e studiantenan lo subi bus mesora den direccion pa nan ciudad.

Si bo ta biahando cu un di e vuelonan organisa e no ta posibel pa bay cu famia y/of amistadnan na yegada na Hulanda. Arubahuis ta haci reservacion di transporte y estadia na hotel pa e prome anochi pa tur studiante cu ta riba un di e vuelonan organisa. Pa motibo di e normanan di seguridad y salud e aña aki nos mester ta aun mas estricto cu e plan logistico y cu e programa pa asina minimalisa tur risico. Studiantenan cu Arubalening cu ta riba un di e vuelonan organisa mester sigui tur instruccion di Arubahuis y di mentoren na yegada.

Manera tur aña Arubahuis ta coordina e transporte di Schiphol pa e diferente ciudadnan pa e studiantenan cu ta yega riba un di e vuelonan organisa. Esaki ta sosode cu busnan priva cu Arubahuis ta reserva pa cada ciudad/regio. Conhuntamente cu e compania di bus lo garantisa cu e transporte por sosode teniendo cuenta cu tur e normanan nobo di salud y seguridad.

Na yegada na Hulanda Arubahuis ta facilita e transporte di e studiantenan for di Schiphol pa e diferente ciudadnan y tambe ta facilita e estadia na hotel pa e prome anochi. Durante e prome dia studiantenan lo cera conoci cu e mentor di nan regio/ciudad y cu algun miembro di e opvangcommissie for di cual studiantenan lo ricibi e informacion y instruccionnan necesario. Nos ta enfatisa cu e estadia ta wordo facilita solamente pa e prome anochi y pa e studiantenan cu ta riba un di e vuelonan organisa. Pa e siguiente dianan e studiante mes mester regla su acomodacion y/of por informa cerca e mentor riba e posibilidadnan pa extende e estadia na hotel riba propio gasto. Esaki den caso cu ainda ta pendiente pa ricibi acceso na un propio camber of apartment.

Arubahuis ta percura pa cubri tur gasto di transporte for di Schiphol pa e diferente ciudadnan y tambe lo cubri e gastonan di hotel pa e prome anochi. Arubahuis y e mentoren tambe lo percura pa lunch y dinner riba e dia di yegada y pa breakfast e siguiente dia prome cu check-out for di hotel. E gastonan aki ta wordo cubri pa tur studiante cu ta riba un di e vuelonan organisa.

Si bo ta planea pa yega Hulanda prome cu e vuelonan organisa bo mester notifica e mentor di bo ciudad/regio di esaki lo mas pronto posibel. E ta hopi importante pa e mentor sa ki dia bo ta planea pa yega Hulanda pa asina e por tene cuenta cu esaki. Bo lo ricibi e informacion y instruccionnan necesario for di e mentor pa loke ta e programa di opvang cu e fecha y localidad unda bo ta wordo spera. Nos ta enfatisa cu studiantenan cu no ta biahando cu un di e vuelonan organisa mes mester regla transporte y estadia pa e prome anochi na yegada na Hulanda.

Si bo ta planea pa yega Hulanda riba un fecha despues di e vuelonan organisa tin un chens cu bo no lo yega Hulanda na tempo pa por participa na e programa di opvang. E programa di opvang lastimamente no ta wordo ripiti pero bo lo por ricibi informacion, conseho y/of instruccion di e mentor riba e posibilidadnan pa regla inscripcion na gemeente, banco y e demas cosnan esencial. E ta hopi importante pa e mentor sa lo mas pronto posibel ki dia bo ta planea pa yega Hulanda pa asina e por tene cuenta cu esaki. Nos ta enfatisa cu studiantenan cu no ta biahando cu un di e vuelonan organisa mes mester regla transporte y estadia pa e prome anochi na yegada na Hulanda.

E programa di opvang na Hulanda e aña aki lo sigui pero den forma adapta teniendo cuenta cu tur e normanan nobo di salud y seguridad. Studiantenan cu ta biniendo Hulanda por conta cu e guia y sosten di Arubahuis y di e mentoren.

Arubahuis y Departamento di Ensenansa ta enfatisa cu participacion na e programa di opvang na Hulanda ta verplicht pa tur studiante cu Arubalening. E programa di opvang ta forma parti integral di e servicionan cu ta wordo duna na nos studiantenan y nos ta conta riba participacion activo y riba e responsabilidad di tur studiante. Den caso cu studiantenan yega Hulanda prome cu comienso di opvang of despues cu e programa di opvang a tuma lugar e ta consehabel pa tuma contacto cu e mentor di e regio pa asina haci e palabracionnan necesario riba kico ta posibilidadnan y kico ta e aspectonan relevante cu e studiante lo mester participa na dje.

E aña aki e programa di opvang lo ta adapta conforme e reglanan existente relaciona cu Covid-19 y lo consisti principalmente di e partinan mas esencial;

• Inscripcion na gemeente
• Habri cuenta di banco
• Atende cu tur aspecto relata cu estudio (DUO, onderwijsinstelling, Studielink, OV-kaart, DigiD)
• Atencion pa asuntonan di vivienda/acomodacion (inrichting kamer)

E puntonan di salida pa e organisacion di e opvangprogramma di e aña aki ta:

• Minimalisa e biahe di studiantenan den transporte publico (openbaar vervoer)
• Minimalisa cana cu gruponan grandi den centro di ciudad
• Minimalisa e cantidad di encuentronan y momentonan di contacto fisico

Lo purba organisa mayoria sesion di informacion mas tanto online of den forma di film, foyeto of buki di informacion. Actividadnan social cu normalmente tambe sa ta parti di e opvangprogramma ta wordo minimalisa pa motibo di e circumstancianan actual. Depende di e desaroyonan e lunanan nos dilanti lo evalua e posibilidad pa ahusta e programa y inclui mas actividadnan fisico.

E opvangprogramma di cada ciudad ta cuminsa oficialmente riba e siguiente dia despues cu e studiantenan yega Hulanda riba e vuelonan organisa. Depende di e planning di cada mentor por tin un sesion di informacion y/of un cita cu un instancia planea riba e mesun dia di yegada na Hulanda. E ultimo aki ta depende di e disponibilidad di e instancianan cu Arubahuis y mentoren ta traha cu ne.

E opvangprograma ta dura minimo 3 dia. E programa y e cantidad di dia por varia pa cada ciudad/regio. Esaki ta depende di e disponibilidadnan di e instancianan cu Arubahuis y mentoren ta traha cu ne y di e citanan cu a wordo planea.

Pa mas informacion di e opvangprogramma di bo studiestad bo mester acudi na e mentor. Cada mentor lo publica un opvangprogramma cu e actividadnan cu lo tin planea pa e studiantenan di nan ciudad prome cu e yegada di e vuelonan organisa. Pa mas informacion y den caso cu tin preguntanan specifico ta consehabel pa manda un e-mail pa e mentor y pa sigui e pagina di facebook y/of instagram di e plaatselijke opvangcommissie (POC) den caso cu nan tin esaki.

• Contactgegevens mentoren

E mentor di cada ciudad/regio ta planea special pa e opvangprogramma un of mas cita cu gemeente, banco, DUO y e demas instancianan relevante pa asina por facilita e studiantenan den e procesonan importante. Den caso cu un studiante ta bin despues, e mes ta responsabel pa haci un cita pero e mentor por conseha y posiblemente asisti den esaki. Pa loke ta acomodacion e studiante ta keda responsabel pa regla esaki y ta keda responsabel pa e palabracionnan cu e instancia of persona den cuestion. Pa cualkier pregunta of conseho pa loke ta aplicabel pa bo ciudad/regio nos ta conseha pa bo tuma contacto cu e mentor.

• Contactgegevens mentoren

Sigur, tur studiante cu Arubalening cu yega prome cu e grupo di “beursalen” ta participa automaticamente na e opvang. E ta hopi importante pa studiantenan cu tin planea pa biaha prome pa Hulanda pa tuma contacto lo mas pronto posibel cu e mentor di e ciudad/regio pa asina e mentor por tene cuenta cu esaki.

Si, esaki sigur ta posibel. Studiantenan sin Arubalening tambe por participa completamente gratis na e programa di opvang. E ta hopi importante pa studiantenan sin Arubalening (MBO/HBO/WO) cu kier participa na e opvangprograma tuma contacto lo mas pronto posibel cu e mentor di e ciudad/regio.

Studiantenan sin Arubalening por inscribi e aña aki te cu diabierna 2 di juli 2021 pa por participa na e opvangprogramma. Despues di e fecha menciona lastimamente e no ta posibel mas pa inscribi pa participa na e opvangprogramma. Esaki ta debi na palabracionnan y normanan estricto cu e diferente instancianan tin cu mantene pa loke ta cantidad di persona pa cada cita y localidad.

Studiantenan cu tin pensa di bay Hulanda cu Arubalening desde februari lo por ricibi guia di un mentor pero no lo tin un opvang manera ta e caso na augustus. E studiante lo por ricibi informacion y conseho for di Arubahuis y for di e mentor pero e studiante mes lo ta responsabel pa regla e citanan na e diferente instancianan.