Studentenhuisvesting Leiden, Delft y Den Haag-techniek
Den Haag – Arubahuis ta brinda informacion di vivienda pa studiantenan cu kier bay studia na Leiden, Delft of Den Haag.
Studentenhuisvesting Leiden, Delft, Den Haag
 |
• Provincie Zuid-Holland: Leiden, Delft, Den Haag
“Tekort studentenkamers zal komende jaren verdubbelen naar 50.000” Esaki ta titulo di un articulo cu a keda publica riba e website di NOS, un fuente conoci di noticia, na Hulanda, y cu ta mesun actual ainda.
E problema di scarsedad di camber ta bay sigui crece e aña nan benidero. Gobierno di Hulanda hunto cu un par di stakeholders a bin cu un plan di accion nacional pa traha 60.000 camber extra pa studiante. Lastimamente cu pa e aña cu ta bin (2023) nos no lo ripara mucho mehoracion. P’esey, pa medio di esaki kier duna informacion riba e tema aki.
Manera nos sa, tur aña un grupo grandi di hoben di Aruba kier sigui un estudio avansa na Hulanda. Pa e region di Leiden, Delft y Den Haag – cu ta hopi popular cerca studiantenan di Aruba – e aña aki tambe tabatin un grupo grandi cu a bay studia. Mentor di Arubahuis pa Leiden, Delft y Den Haag-techniek, Solange Quandus, ta duna pa medio di e articulo aki informacion di vivienda pa studiante pa e ciudadnan menciona.
Prome cu yega Hulanda tin hopi preparacion y asuntonan cu mester wordo regla. Un di e asuntonan importante ta vivienda. P’esey ta importante cu e hoben cu pa otro aña kier bay Hulanda cuminsa busca/inscribi awor caba pa un camber.
Esnan den voorexamenklas (4 havo en 5 vwo) y cu tin pensa di bay studia tambe por inscribi caba. Mas tempo bo tin inscribi, mas halto bo chens ta pa haya un vivienda. Haciendo esaki na tempo por resulta cu bo por haya un camber pagabel y kisas conforme bo gusto ora cu bo yega Hulanda.
Sin un kamer na Hulanda, bo no por inscribi na gemeente. E consecuencia ta cu e studiante no ta haya su BSN nummer. Sin e nummer aki hopi cosnan cu mester wordo regla manera banco, no por wordo regla na tempo. Tambe e studiante por encontra hopi vertraging cu su estudio paso e no tin su propio espacio pa studia, etc. Ora haya un kamer mas laat, por ehempel te den october, e studiante no tin mucho tempo pa muda ya cu e ta bezig cu su estudio na e mesun momento.
Mester menciona cu e aña aki den e regio di Leiden, Delft y Den Haag un grupo grandi no tabatin un kamer ora a yega Hulanda y asina a haya retraso pa regla nan asuntonan. Tin ta kedando cerca amigonan, cual no ta un situacion favorable pa ningun studiante.
E aña aki, mescos cu e añanan anterior, tin instancianan cu ta aplica un asina yama ‘voorrangsregeling’ pa studiantenan internacional. Esey kiermen cu tur ‘eerstejaarsstudenten’ den e lunanan di juli, augustus y september ta haya preferencia pa un kamer ora esey bira liber. Pa e regio de Leiden, Delft y Den Haag e instancia ta entre otro DUWO Room.
Aki ta sigui un resumen di algun instancia na unda por inscribi pa un kamer.
Leiden
Delft
Den Haag
Aunke Arubahuis y/of e mentornan no ta encarga, ni tampoco ta responsabel pa busca un vivienda pa e studiante, nos ta informa y guia e studiante entre otro, den e proceso di busca un vivienda. Tambe un conseho di mentor Solange Quandus ta cu ora bo haya un camber, lesa e contract di huur bon prome cu firma. Y si tin cosnan cu no ta hopi cla busca ayudo y mas informacion pa despues bo no haya bo cu sorpresanan desagradabel.
Disclaimer
Departamento di Enseñansa Aruba ni Arubahuis no ta responsabel pa e contenido y (posiblemente) errornan publica riba e websitenan menciona.
Contact Mentor
Pa mas informacion of pa cualkier pregunta relaciona cu Leiden, Delft y Den Haag-techniek por tuma contacto cu:
Mentor Solange Quandus
Mobiel of Whatsapp: +31(0)6 8486 5675
Email: s.quandus-mentor@arubahuis.nl
Info / Contact
Pa mas informacion por busca den e alfabet menu:
Por tuma contacto cu:
Scroll To Top
