Studentenhuisvesting Groningen y Leeuwarden
Arubahuis ta brinda informacion di vivienda pa studiantenan cu kier bay studia na Groningen, Leeuwarden of Emmen for di 2023 en adelante.
 |
• Provincie Friesland: Leeuwarden
• Provincie Groningen: Groningen
Actualmente Hulanda conoce un scarsedad enorme di camber pa studiante. P’esey ta importante pa cuminsa busca camber na tempo.
Sra. Donna van Heukelem-Kock mentor di e ciudadnan Groningen, Leeuwarden y Emmen
ta enfatisa e importancia pa studiantenan cu tin pensa di bay studia na Groningen, Leeuwarden y Emmen pa cuminsa busca camber mesora cu a aplica pa Arubalening. Preferibel 1 aña adelanta of mas trempan.
Si ta bay studia na Hulanda for di 2023 en adelante mester cuminsa busca vivienda na Hulanda y inscribi cerca diferente instancia for di awor caba, pa asina cuminsa acumula punto. Mas punto tin acumula mas chens tin pa haya camber bon y ‘pagabel’. P’esey ta conseha studiantenan en general pa cuminsa inscribi for di momento cu ta den ‘voorexamen-klas’. Cerca mayoria instancia studiantenan por cuminsa registra y inscribi nan mes asina cu nan haci 16 aña.
Por haci uzo di diferente manera pa yega na un camber na Groningen, Leeuwarden y Emmen.
Ki opcion tin na Groningen?
SSH Stichting StudentenHuisvesting
Room
Holland2stay
Campus Groningen
Maxx huren
Pararius
The Village (Huis van verhuur)
CareX Groningen
Ki opcion tin na Leeuwarden?
Studentstay
Markt058
Windmillcampus
Studenten woningen Leeuwarden
Ki opcion tin na Emmen?
Studentstay
Domesta
Studia na Emmen, biba na Groningen
Tene cuenta cu Emmen no ta un ‘studentenstad’. Kiermen di cu no tin hopi facilidad pa un studiante por diberti banda di su estudio manera por ehempel Groningen. Tin studiante cu pa e motibo ey ta opta pa studia na Emmen y biba na Groningen y ta ‘travel’ cu bus bay scol na Emmen. Pa mas informacion over di esey por tuma contacto cu mentor sra. Donna van Heukelem-Kock.
Makelaar
Fuera di e opcionnan menciona un studiante ta liber pa acerca un makelaar. Tin diferente makelaar na Groningen, Leeuwarden y Emmen cu ta huur camber/studio na studiante. Tene cuenta cu esaki ta un opcion mas caro. Mester paga e makelaar pa su trabou y un borg ta wordo stipula a base di 1 of 2 luna di extra huur. Tambe ta bon pa menciona cu tin makelaar ta exigi por ehempel cu un persona mayor di edad y recidencia na Hulanda ta para garantia pa e pago di huur.
Contract
Mentor van Heukelem-Kock ta conseha e studianten pa corda lesa e contract hopi bon. Check kico ta wordo palabra, specialmente e debernan y e derechonan. Si tin duda riba e contenido di e contract, busca ayudo huridico. No core firma!
Tambe ta importante pa check si e huur ta inclui awa, coriente y gas y specialmente si tin un clausula si prijs di coriente, awa y gas subi.
Check bon si bo ta bin na remarke pa ‘huurtoeslag’. Bo por check esey cu e instancia cu ta huur e camber/studio. Pa mas information over di huurtoeslag por check e siguiente website:
Scammers
Por ultimo mentor Donna van Heukelem-Kock ta conseha e studianten pa tene cuidou cu “scammers”. Semper puntra pa un huur contract. Lesa e contract bon. Check kico ta wordo palabra, specialmente e debernan y e derechonan. Si tin duda riba e contenido di e contract busca ayudo huridico. No core firma!
No paga un borg (downpayment) demasiado halto. Pasa placa solamente pa un cuenta Hulandes. Si ta exigi pa pasa placa pa un cuenta bancario no-Hulandes no confia esaki. Esey ta un ‘redflag’ pa ‘scammers’.
Tene cuidou cu buscamento di camber via Facebook y Instagram.
Disclaimer
Departamento di Enseñansa Aruba ni Arubahuis no ta responsabel pa e contenido y (posiblemente) errornan publica riba e websitenan menciona.
Contact Mentor
Pa mas informacion of pa pregunta relaciona cu Groningen, Leeuwarden of Emmen por tuma contacto cu:
Mentor Donna van Heukelem-Kock
Email: d.kock-mentor@arubahuis.nl
Facebook: @POCGroningen of @POCLeeuwarden
Info / Contact
Pa mas informacion por busca den e alfabet menu:
Por tuma contacto cu:
Scroll To Top
