Gezonde School
Plan Strategico Scol Saludabel
Na November di aña 2011 pa medio di un Decreto Ministerial (MB) a instala e grupo encarga cu e Plan Strategico pa Scol Saludabel na Aruba.
Esaki a encera: skirbi un plan di maneho cu lo delinea e pasonan cu mester sigui pa yega na un Scol Saludabel cu ta pas pa Aruba. A uza diferente ehempel y strategia di tanto Latino America, Europa y Merca.
A traha un plan concreto cu a keda aproba pa e dos ministernan concerni, Minister di Educacion y Minister di Salubridad, y pa Conseho di Minister.
Plan di implementacion
E siguiente paso tawata pa traha un plan di implementacion. A instala , pa medio di un MB nobo, un grupo di implementacion cu ta consisti di:
- 2 representante di Departamento di Enseñansa Aruba (DEA)
- 4 di Departamento di Salud Publico
- 1 di Departamento di Asuntonan Social
- 1 di Instituto Pedagogico Arubano (IPA)
A scoge 5 scol piloto pa cana e proceso di implementacion, cu ta:
- Mon Plaisir Basisschool
- Mon Plaisir Kleuterschool
- Scol Primario Kudawecha
- Scol Primario Cacique Macuarima
- Scol Primario St Paulus
A scoge e scolnan a base di criterianan manera ubicacion (diferente districto), tin un docente di Movecion y Salud, Comision di Mayor activo etc.
Kico ta un Scol Saludabel?
Un Scol Saludabel ta un scol cu di un manera structural y duradero ta traha riba mehoracion di salud di e mucha y di e maestro pa asina mehora su prestacion y calidad di bida. Esaki no ta un proyecto, pero ta bira parti di e maneho di scol. Cada scol ta determina individualmente su prioridadnan y ta traha su Plan di Salud di acuerdo cu su prioridadnan.
Plan di Salud
Na luna di mei 2013 a organisa un tayer di trabou. A invita 2 experto di Dienst Gezondheid en Jeugd (GGD) di Hulanda pa guia e grupo di implementacion y e 5 scolnan piloto di Aruba pa traha un Plan di Salud (2013-2016) pa nan scol.
Implementacion di e Plan di Salud aki a inicia den aña escolar 2013-2014.
Noticia
- Onderwijsplan Kunst- en Cultuureducatie (doc) (7/31/2024)
- Ontwikkeling van een sterk zorgstructuur systeem (doc) (6/30/2024)
- Training “Leefstijl” pa Maestro di Deporte (8/24/2023)
- Minister ta ricibi Rapport “Quality of life of Aruban Youth” (10/13/2021)
- Online presentation on Quality of life of Aruban Youth (5/25/2021)
- Encuesta “Veilige School” scol secundario (2/17/2021)
- Quality of Life of Aruban Youth (doc) (12/8/2020)
- Investigacion: Con ta bay cu calidad di bida di hobennan na Aruba (12/2/2020)
- Hygiënerichtlijn voor basisscholen (doc) (4/3/2020)
- Siman di training di Scol Saludabel (11/27/2019)
Info / Contact
DEA | Desaroyo di Curiculo | DESPA | IBISA
Scroll To Top
