NOP2030: Proceso

Ronda introductorio Minister

Na final di aña 2017, durante e rondanan introductorio di e Minister nobo di Enseñansa, dr. Lampe, a consulta cu diferente actor den enseñansa y a haya un bista di e puntonan di atencion:

• Innovacion den enseñansa segun modelo multilingual
• Conexion entre enseñansa y mercado laboral
• Reenforsa enseñansa superior
• Digitalisacion di enseñansa
• Reenforsa structura di cuido “zorgstructuur”
• Cultura di respet
• Enseñansa participativo, personalisa y maestro como falicitador

Preparacion y investigacion

Inicialmente e grupo di coordinacion a studia con lo por organisa un proceso participativo unda tur stakeholders lo por duna nan contribucion na un plan Nacional pa Enseñansa:

• A analisa e proceso di e NOP 2007-2017;
• A identifica e stakeholders y a wak di ki manera lo aserca nan y cu ki meta;
• A sondea diferente base teoretico, asina yama ‘frameworks’ pa hancra e NOP2030.

Como framework a scoge pa traha cu e asina yama “General Eduaction Quality Analysis Framework” (GEQAF) desaroya pa UNESCO hunto cu diferente pais rond mundo, cu e meta pa yega na un ‘framework’ cu por wordo uza pa diferente pais, pa asina analysa y diagnostica e sistema di enseñansa na e pais, usando 15 diferente ‘analytical tools’.

• A studia e SDG’s nan y a wak con esaki ta acopla na e GEQAF.

Sesionnan di “Expertanalyses”

Na final di luna di mei 2018 a start cu sesionnan di “Expertanalyses” na unda coordinadornan di diferente seccion di Departamento di Enseñansa a sinta hunto pa asina haci un SWOT-analyse di e NOP 2007-2017. Expertonan di Dienst Inspectie van het Onderwijs como tambe di Directivanan di Scol tambe a haci e mesun ehercicio durante e temporada aki. Banda di esaki a cuminsa haci uzo di e 15 ‘analytical tools’ pa analisa nos sistema di enseñansa y formula un vision pa 2030.

Consulta cu stakeholders

Na luna di juni a cuminsa acerca stakeholders di e sector social, economico y di medio ambiente pa haya mas informacion di e desaroyo general, tanto actual como pa futuro, y tanto na Aruba como internacional. Meta di e consultanan aki ta pa por diseña nos enseñansa di tal manera cu nos alumno y studiantenan por ta bon prepara pa e desaroyonan actual y den futuro.

Consulta cu stakeholders cu ta representa Mucha y Hoben

Siguientemente na luna di augustus 2018 lo tuma luga algun ronda di consulta cu stakeholders cu ta representa e mucha y hobennan, manera entre otro Parlamento Hubenil, Kinderraad, Telefoon pa Hubentud, Fundacion pa nos Muchanan, Fundacion Respetami,  Magec y Brenchi entre otro. Meta di e consultanan aki ta pa haya sa mas di e necesidad di e hoben y mucha.

Encuesta

Na luna di oktober 2018 lo haci un encuesta cerca e personal di scol: cabesante/directornan di scol y maestro y docentenan. Meta di e encuesta ta pa haya mas informacion di e percepcion di e enseñansa actual y e vision pa enseñansa den futuro.

Newsletter Signup

Leave this field empty if you're human: