Luna di Enseñansa 2016
Informacion di Actividad
 |
|
Ministerio di Enseñansa hunto cu International School of Aruba ta organisa un “Summer Camp” special pa alumnonan di klas 4, 5 y 6 di Enseñansa Basico regular (edad 9 pa 12 aña) cu tin interes den Science, Technology, Engineering, Arts and Mathematics “STEAM”.
[Relato STEAM Camp] |
| 4 OCT | Tablet Cafe 60+ @ Biblioteca Nacional Aruba |
 |
|
Biblioteca Nacional Aruba ta spera su bishitantenan di edad 60-plus cu kier siña un poco mas di nan Tablet, Smartphone of hasta di Social Media. Entre 9or y 10or di mainta un team di SETAR lo haci un demostracion di TVguide, MiSetar y con pa sign up pa e servicio aki. Despues ta sigui cu Tabletcafe 60+ te 12or di merdia. E meta di e mainta aki ta pa siña algo nobo bou guia di un mentor, comparti conocimento y socialisa. Participacion ta gratis. Cada bishitante mester trece su propio Tablet of Smartphone.
[Mas informacion] |
| 5 OCT | World Teachers’ Day |
 |
|
Dia 5 di october ta World Teachers’ Day.
Rond mundo e trabou di e Maestro di Scol ta wordo reconoci y elogia. E slogan pa aña 2016 ta: “Valuing Teachers, Improving their Status”. Pa mas informacion por bishita e site di: [UNESCO] |
| 10 OCT | Carousel di Enseñansa |
 |
|
Ministerio di Enseñansa hunto cu un cantidad di organisacion y instancianan local tin e honor y placer di invita bo pa apertura oficial di e “Luna di Enseñansa” pa aña 2016 cu lo tuma luga den forma di un Carousel di Enseñansa, dialuna dia 10 di oktober. Durante e Carousel di Enseñansa lo comparti informacion di diferente proyecto, existente y nobo, “best practices” y resultado di investigacionnan haci riba tereno di enseñansa.
E Carousel lo ta habri pa publico. Entrada ta gratis.
[Mas informacion] |
 |
|
Ministerio di Enseñansa hunto cu Departamento di Enseñansa a ofrece Maestronan di scol basico training y workshops den cuadro di e asina yama “Kerndoelen Project”.
[Relato] |
| 18 OCT | AVO Conference [Education Reboot] |
 |
|
Ministerio di Enseñansa hunto Departamento di Enseñansa Aruba ta organisa den cuadro di “Luna di Enseñansa” un AVO Conference [Education Reboot], diamars dia 18 di october proximo na Cas di Cultura.
[Mas informacion] | [Registra] |
| 20 OCT | World Class Scholar |
 |
|
Ministerio di Enseñansa ta organisa un “kick-off event” pa lansa e proyecto di intercambio internacional pa scolnan bou di e nomber di “World Class Scholar”, un proyecto di intercambio entre docentenan y scolnan di e estado South Carolina na Merca cu docentenan y scolnan den resto di mundo.
[Mas informacion] | [Registra] |
| 22 OCT | Documentary “He named me Malala” |
 |
|
Ministerio di Enseñansa di Aruba tin e grato honor pa invita publico general pa un screening oficial di e documentario “He Named Me Malala”, diasabra dia 22 di oktober proximo. E screening lo wordo introduci pa un discusion den panel riba e topico di hende muher y enseñansa na Aruba y otro parti di mundo.
[Mas informacion] | [Official Trailer] |
| 24 OCT | Positive Communication for Parents |
 |
|
Tienda di Educacion ta pa mama, tata, wela, welo, madrastra, padrastro y tur otro educadornan. Pues pa tur hende cu ta encarga cu cuido di mucha y hoben di 0 pa 18 aña di edad y cu ta sinti e necesidad pa papia cu un profesional cu ta scucha, duna sosten, informa y conseha si bo tin pregunta tocante educacion y desaroyo di un mucha.
[Mas informacion]
|
| 25 OCT | Study Abroad Information Evening |
 |
|
Diamars dia 25 di oktober proximo Ministerio di Enseñansa conhuntamente cu Departamento di Enseñansa lo tene un anochi di informacion pa tur esnan cu tin e interes pa bay studia na Merca of Canada.
[Mas informacion] |
| 26 – 27 OCT | Tayer “Instruccion Diferencia” |
 |
|
Dianan 26 y 27 di october proximo, Ministerio di Enseñansa ta organisando un tayer special pa maestro, docente, actornan di sosten y studiantenan di IPA, riba e tema “Instruccion diferencia”, e diferente formanan di instruccion pa guia e alumno/studiante den su proceso di compronde y adkiri informacion.
[Mas informacion] |
| 28 OCT | Apertura di Festival di Buki pa Mucha 2016 |
 |
|
Biblioteca Nacional Aruba ta organisa e di 24 edicion di Festival di Buki pa Mucha.
Un festival cu ta conta cu participacion di mas cu 50 scol preparatorio,basico y special riba nos isla y cu lo ricibi bishita di autor, ilustrador y contador di storia.
Lema di e festival pa e aña 2016 ta: “Opa y Oma, lesa pa nos awe, pa mañan nos sa!”.
[Mas informacion] |
| 28 OCT | Ceremonia Appel di Oro 2016 |
 |
|
Ministerio di Enseñansa hunto cu Departamento di Enseñansa ta presenta pa di dos aña consecutivo: Appel di Oro | Un Premio Nacional di Excelencia den Enseñansa.
Participacion na Appel di Oro 2016 ta habri pa tur scol di enseñansa primario, secundario, special y superior reglamenta na Aruba.
Lo duna reconocemento den e categorianan di: Proyecto Escolar,Maestro, Dirigente, Actor di Sosten, Newcomer y Lifetime Achievement.
[Mas informacion] |
| 29 OCT | Festival di Arte y Cultura |
 |
|
Den cuadro di Luna di Enseñansa Fundacion Muchila Creativo ta organisa un actividad educativo den centro di Oranjestad, cu e meta pa promove Arte y Cultura den nos comunidad.
Lo tin diferente presentacion y workshop pa mucha, hoben y adulto den diferente disciplina di arte manera musica, baile, teatro y multimedia.
[Mas informacion | Programa] |
Complete Calendar of Events
Noticia
Henter comunidad: alumno, studiante, mayor, coleganan maestro y/of cabesante di scol, ta bonbini pa nomina un persona of proyecto escolar pa Appel di Oro 2015. Pa haci esaki mester download e formulario di aplicacion for di riba e website Enseñansa Aruba | ea.aw. Lesa e preguntanan y describi en corto y mas concreto posibel pakico bo kier nomina e persona of proyecto.
Scroll To Top
