Esaki ta un di e puntonan di e Tratado di e Derechonan di Mucha. Eyden ta para cu: “tur mucha tin derecho riba enseñansa”. Pasobra e muchanan ta menor di edad, esey ta nifica cu ta nan mayornan y gobierno ta obliga pa percura pa nan bay scol di berdad. Mas informacion:

• Website: Derecho di Mucha

• Enseñansa obligatorio ta conta solamente pa e hobennan cu ta biba na Aruba.
• Enseñansa obligatorio ta cuminsa riba e prome dia di scol di e aña escolar den cual e mucha tin por lo menos 4 aña riba 1 di october. Esey ta nifica cu no ta solamente mucha cu tin 4 aña na comienso di aña escolar mester bay scol, tambe esun cu ta haci 4 aña pa mas tarda 1 di october. Mucha cu ta haci 4 aña despues di e prome dia escolar pero ultimamente 1 di october ta obliga pa bay scol tambe.
• Enseñansa obligatorio ta conta te dia e alumno cumpli 17 aña, of te ora cu e alumno termina un estudio den enseñansa profesional of enseñansa secundario general.

Un ehempel:

Den cierto casonan excepcional un hoben por haya dispensacion di enseñansa obligatorio, por ehempel:

• Ora cu e mucha pa motibo fisico of psikico, no por bay scol. E peticion pa dispensacion mester wordo entrega na Oficina di Enseñansa Obligatorio.
• Ceramento temporal di scol. Ora cu e cabesante indica cu e muchanan por keda cas pasobra por ehempel tur e maestronan mes ta haya les, tin un trabou grandi di reparacion pa haci na scol of tin molester grandi di yobida na scol cu ta haci cu e lesnan no por sigui.

Mucha mester bay scol tur dia. Mayornan y cuidadonan ta responsabel pa esaki sosode tambe. Toch esey no ta nifica cu den cierto circunstancia bo no por tene bo yiu na cas, por ehempel: ora cu e mucha tin un malesa of pa motibo personal extraordinario of pa motibo di un acontecimento familiar (manera entiero, accidente).

• E ausencianan permisibel aki, bo mes mester raporta na tempo (esta prome cu 9 or di mainta) na e cabesante di scol y e cabesante lo pasa e informacion aki di e ausencia y e motibo di e ausencia na e oficina di Enseñansa Obligatorio.
• E empleadonan publico di enseñansa obligatorio y e scol lo controla si e ausencia di bo yiu ta permisibel.
• Mas informacion tocante ausencia permisibel bo por haya tambe cerca e scol.

• Mester manda un carta pa Bureau Leerplicht (e oficina di Enseñansa Obligatorio), cu e peticion pa e enseñansa cu bo kier duna na cas, wordo reconoci den cuadro di e ley di enseñansa obligatorio.
• Dienst Inspectie van het Onderwijs lo haci evaluacion di e contenido di e programa di enseñansa cu kier brinda na cas pa controla si esaki ta cumpli cu tur condicion.
• Pone adhunto un carta di bon conducta di e persona cu ta bay duna e enseñansa na cas.
• Menciona tambe e informacion di contacto di e alumno (su number di ID, nomber y fam, adres, fecha y luga di nacemento).
• E peticion pa enseñansa na cas mester wordo haci tur aña, prome cu e aña escolar cuminsa.
• Enseñansa na cas tambe mester cumpli cu e ley di enseñansa obligatorio.
• E empleadonan publico di enseñansa obligatorio ta controla si e mucha(nan) en realidad ta ricibi enseñansa na cas.
• Un mucha mester bay scol tur dia y e mayornan ta responsabel pa esaki sosode tambe.

Enseñansa obligatorio ta conta pa tur mucha cu ta biba na Aruba. Pues e ta conta tambe pa e muchanan special. Nan tambe tin derecho riba enseñansa.

Bo tin di bay scol, pasobra ey bo ta siña cos leuk cu por yuda bo den futuro. Y ey bo ta cera amistad cu otro mucha.

Si, e ley di enseñansa obligatorio ta conta pa tur mucha cu ta biba na Aruba. Pues tambe pa mucha cu ta ilegal na Aruba. Nan tambe tin derecho riba enseñansa.E empleadonan publico di enseñansa obligatorio lo controla solamente si e mucha ta bay scol. No ta tarea di e empleadonan publico di enseñansa obligatorio pa pasa informacion di mucha ilegal na servicio di inmigracion.

Si bo mayornan ta ilegal na Aruba, bo tambe ta ilegal na Aruba. Si, den un caso asina por expulsa abo y bo mayornan for di Aruba. Durante un estadia ilegal, toch e muchanan mester bay scol. Ni e scol ni e empleadonan publico di enseñansa obligatorio no lo pasa e datonan di boso pa e servicio di inmigracion.

No, si bo ta bay scol na Aruba no kiermen cu bo por keda na Aruba. E ley di enseñansa obligatorio ta stipula cu tur mucha cu ta biba na Aruba mester bay scol (sea nan ta legal of ilegal na Aruba).

No por kita oportunidad di enseñansa pasobra un hende a bira mama hoben. Mester percura pa cuido pa asina e mama teenager haya e oportunidad pa sigui cu su estudio.