Landamento Escolar
Landamento Escolar ta un programa di Departamento di Enseñansa Aruba (DEA) pa tur alumno di klas 3 di Scol Basico y Special na Aruba, den cual nan ta haya instruccion di landamento. E programa ta financia door di Gobierno di Aruba.
Dicon a cuminsa cu Landamento Escolar den klas 3 di scol basico/special?
- Relaciona cu siguridad, ta un necesidad pa sa landa;
- Pa por practica diferente deporte acuatico mester e dominio di e habilidad di landamento;
- Landamento ta saludabel;
- Habilidad motorico ta optimal den klas 3;
- Via scol por alcansa tur nos muchanan.
Kico ta e metanan di Landamento Escolar?
- Pa e generacion actual y esun di futuro, domina e habilidadnan basico y avansa di landamento;
- Crea confiansa cerca e mucha y dun’e sentimento di seguridad den y rond awa;
- Duna impulso na e mucha pa experiencia landamento como algo agradabel y recreativo;
- Crea e posibilidad pa den futuro e mucha por participa na otro forma di deporte acuatico;
- Lanta interes pa sigui les di landamento avansa;
- Siña e mucha e habilidadnan cu ta cay bou diploma A y B otorga pa “Arubaanse Zwembond”.
Mi yiu ta sigur/safe durante Landamento Escolar?
- Tur instructor tin diploma di instructor di natacion. Un parti esencial di nan estudio ta con pa tene cuenta cu siguridad di mucha. E instructornan ta capacita cu basta aña di experiencia den ramo di natacion. Departamento di Enseñansa ta percura tur aña pa “upgrading” di e instructornan riba nivel tecnico, pedagogico y di siguridad;
- Tur instructor tin su carnet di “1st Aid/CPR” di “Red Cross Aruba”. Den caso di cualkier incidente, tur instructor ta capacita pa duna prome auxilio;
- Na cada sitio tin un caha di “E.H.B.O.” bon ekipa;
- Durante les e muchanan ta sigura via AZV.
Unda e Landamento Escolar ta tuma luga?
- Dependiendo di unda e scol ta situa, e muchanan ta haya les na Palm Beach of Baby Beach;
- Tambe nan ta haya oportunidad pa train den Piscina;
- Cu cooperacion di e compania bus di Sr. Wolff ta transporta e muchanan di y pa scol.
Tin gasto envolvi?
- E programa ta completamente financia door di Gobierno di Aruba, asina e muchanan no tin cu paga nada pa sigui e lesnan.
Documento & Publicacion
Noticia
Info / Contact
DEA – Landamento Escolar
Scroll To Top
