Enseñansa pa Empleo
Aruba’s Government Vocational Department
Enseñansa pa Empleo (EPE) a wordo funda na aña 1988. Despues cu Lago a cera su portanan na 1985, hopi hende a perde trabou y Gobierno di Aruba e tempo ey a busca un alternativa pa Aruba su economia na unda e industria hotelero y di turismo a forma y a crea oportunidad pa trabou. Gobierno a introduci e proyecto ‘her- en bijscholing’ pa esnan cu no tabatin trabou por a haya curso pa un ofishi nobo, entre otro den construccion y den e industria hotelero. Asina Enseñansa pa Empleo a nace y a bira e centro di enseñansa desde e tempo ey cu ta ofrece curso cu por uza den e mercado laboral. Awendia Enseñansa pa Empleo ta ofrece un variedad di curso riba diferente nivel pa crea oportunidad pa nos comunidad haya mas conocimento pa por yuda mantene nos economia.
E tarea di Enseñansa pa Empleo ta ofrece cursonan basa riba e necesidad di e mercado laboral y ta trece educacion popular riba un nivel alcansabel pa tur hende.
Curso
Enseñansa pa Empleo ta ofrece curso riba diferente tereno, e.o. cursonan di Computer, Arbeidsrecht, Bodyman Y Painting, Agricultura/ Horticultura, Papiamento, Hulandes, Ingles, Portuges, Manicure / Pedicure, Sport Massage, Klein Vaarbewijs, Baking & Pastry, F & B Cost Control, etc.
Desde aña 2019 ta posibel pa inscribi pa curso a traves di e website di Enseñansa pa Empleo:
Noticia
- AHATA ta colabora cu Enseñansa pa Empleo (8/25/2023)
- Curso Finansas den mi Hogar (8/15/2023)
- Land Aruba Academy (7/28/2023)
- Agri Business Academy (7/24/2023)
- Enseñansa pa Empleo ta habri inscripcion pa aña 2022 (1/18/2022)
- EPE ta aumenta cantidad di curso (7/12/2021)
- OAA ta habri inscripcion pa 2021 (1/15/2021)
- EPE ta habri inscripcion pa 2021 (1/12/2021)
- Studiantenan di OAA a mustra aprecio na hende muhe (5/22/2017)
- OAA Beroepsonderwijs (2/22/2017)
