Desaroyo di Curiculo
Curriculum ontwikkeling – Curriculum development
Seccion Desaroyo di Curiculo di Departamento di Enseñansa Aruba a lanta na 1986 cu e meta pa percura pa material educativo cu ta tene cuenta cu e mucha cu ta biba na Aruba. Cu tempo e seccion a crece y a percura tambe pa e metanan nucleo pa enseñansa primario y pa e terminonan final pa enseñansa avansa y profesional.
Desaroyo di meta (leerplanontwikkeling)
Seccion Desaroyo di Curiculo ta desaroya y revisa documentonan cu ta contene metanan final (eindtermendocumenten, kerndoelen). Ta trata aki di metanan nucleo pa Enseñansa Primario y metanan final pa Enseñansa Secundario General, Enseñansa Profesional Basico y Enseñansa Profesional Intermedio. Mas informacion:
Desaroyo di material (leermiddelenontwikkeling)
Seccion Desaroyo di Curiculo ta desaroya material pa scol, liña di siñamento (leerlijn), material di sosten (cd, video etc) y ta traduci material existente pa Enseñansa Preparatorio, Enseñansa Regular y Enseñansa Special.
Na aña 2017 a publica un catalogo cu ta contene un lista amplio di tur publicacion y material produci. E catalogo ta obtenibel den forma digital:
Na aña 2019 a inicia un proyecto di digitalisacion di e material cu ta destina pa tur directiva di scol, scol y demas actornan den enseñansa. Meta di esaki ta pa facilita acceso di material educativo na e scolnan di Aruba como tambe stimula uzo di medio digital den scol. Mas informacion:
Info / Contact
DEA seccion Desaroyo di Curiculo (Curriculum Ontwikkeling)
Scroll To Top
